Les mots surlignés font l'objet d'une note
1Reçue à Grenoble, le 29 janvier 1573.
2Mon seigneur, dernieremant par mon lacquay vous escripvis du faict de la
3prohibition de la traicte des bledz et au paradvant vous avois mandé le
4procès verbal de ce que je avois procedé en execution de voz lettres patentes
5contre ceulx de la nouvelle oppinion absentz qui ne sont pas revenus et
6des lettres royaulx publiées au parlement. Et dautant que les lettres royaulx
7leur donnent delay de quinzeyne à se retirer et votre commission
8procedant de ladvis de la court porte de saisir les biens de ceulx de
9ladite nouvelle oppinion qui ne estoyent pas venus dans le temps dung
10aultre edict du roy publie en ce siège et quil y en a aulcuns qui
11qui se sont retirés après le temps dudit premier edict, toutesfois
12aiant la expiration des quinze jours pourtés par le second edict,
13je suis en difficulté si je doibz reduyre le bien des gentz de
14telle qualité à la mayn du roy, ce ne seroit pas grand prejudice
15de reduyre leur bien à la mayn du roy, si ce ne estoit la
16craynte que je donnerè aulx aultres de soy retirer, des quelz
17une partie demeure ancores en ceste craynte. Par quoy je desire scavoir
18si vostre intention et de noz seigneurs tenantz la court du parlement
19est que lon se ranche [= range ?] selon les premières lettres royaulx ou selon les
20dernières quant à ceulx qui sont revenus dans le temps des
21dernières lettres royaulx vous advertissans que je crois en
22notre ressort ne se trouveront guières de personnes absentes pour
23le faict de ladite nouvelle oppinion qui ne se soyent retirés ou qui
24ne se retirent dans le temps et pour ce que cest à vous à interpreter
25ceste difficulté et en avoir ladvis de mes dictz seigneurs, me suis
26advisé vous escripre la presente pour en estre par ce moyen
27ressolu, me asseurant bien que en tels affères une petite erreur
28pourroit beaucop importer au roy, qui sera lendroict au quel
29vous presenterè mes humbles et très affectionées recommandations,
30priant le Createur,
31mon seigneur, vous doynt en joye et santé le comble de
32voz très haultz et genereulx desirs. A votre ville du
33Montelhimar, ce XXVI de janvier mil VC LXXIII.
34Votre humble et très hobeissant serviteur
35Andrieu De Exea viseneschal